د اساسي قانون د تصویب۱۷ مه کلیزه د کډوالو او راستنیدونکو چارو وزارت کې ولمانځل شوه.
په دغه غونډه کې د کډوالو او راستنیدونکو چارو وزارت مالي او اداري معین ولی الله جلال ، د اساسي قانون پر تطبیق د څارنې خپلواک کمېسیون په نادولتی موسسو او سازمانونو کې د اساسي قانون له تطبیق څخه د څارنې دیپارټمنټ رییس محمد نادر علم او د یاد وزارت رییسانو او کارکونکو برخه اخیستې وه چی د یادشوي وزارت د کنفرانسونو په تالار کی جوړ شوي وه.
لومړی، د کډوالو او راستنیدونکو چارو وزارت د مالي او اداري معین ولی الله جلال د برخه والو څخه مننه وکړه او زیاته یې کړه، چې اوسنی اساسي قانون د سیمې یو له غوره اساسي قانون څخه دی او دا قانون باید په سمه توګه خوندي شي.
هغه زیاته کړه چې پدې قانون کې د اتباعو د حقونو خوندي کول او د حکمرانانو دندې په څیر مهم مسلې په روښانه او واضح ډول ثبت شوې دي.
ورپسې، په نادولتی موسسو او سازمانونو کې د اساسي قانون له تطبیق څخه د څارنې دیپارټمنټ رییس محمد نادر علم د غونډې له تنظیم کونکو څخه مننه وکړه او د اساسي قانون د اهمیت او د اساسي قانون د اونۍ د لمانځلو په اړه یې خبرې وکړې او د نادولتی موسسو او ادارو د څارنې دیپارټمنټ او دا ورځ یې د افغانستان ټول ملت ته یې مبارکي وویل.
هغه د اوسني اساسي قانون او د هیواد د پخوانیو اساسي قانونونو تر منځ د اهمیت او توپیرونو په اړه خبرې وکړې او وویل چې دا قانون نه یوازې د هیواد په تاریخ کې بلکه د سیمې او نړۍ هیوادونو کې هم ځانګړی دی. هغه د کمېسیون د رول ، جوړښت ، دندو او صلاحیتونو په اړه هم معلومات وړاندې کړل.
په پایکې ، په نادولتی موسسو او سازمانونو کې د اساسي قانون له تطبیق څخه د څارنې دیپارټمنټ رییس محمد نادر علم د کمېسیون میناتوری شوي اساسي قانون د کډوالو او راستنیدونکو چارو وزارت د مالي او اداري معینیت ته د ډالۍ په توګه وړاندې کړ.
