د اساسي قانون پر تطبیق د څارنې خپلواک کمېسیون نظارتی موندنې د کابل توقیف خونې او پلچرخي زندان

icoic_admin
چهارشنبه ۱۴۰۰/۴/۲۳ - ۱۱:۸
12

د اساسي قانون پر تطبیق د څارنې خپلواک کمېسیون نظارتی موندنې د کابل توقیف خونې او پلچرخي زندان څخه  د اساسي قانون (۲۴ ۲۷، ۳۱، ۳۳، ۷۵) مادو  پر سرغړونو او نه اطاعت کولو او د جزا کود (۴۶۱) مادی او د جزائی اجراآتو قانون (۱۰۰ او ۱۰۱) او د زندانونو د چارو د تنظیم قانون د ( ۶۷، ۶۹ او ۷۰) مادو د اړوندو ادارو له چارواکو سره شریک شول.

ad

غونډه د کمېسیون رئیس ډاکټر محمد قاسم هاشمزي په مشرۍ د قضاوتیار محمد عارف حافظ د کمېسیون غړی او منشي، غلام حیدر علامه د لوي څارنوالي مرستیال، قاضی کفایت الله فضلی د سترې محکمې د قضایی پلټنې د عمومي ریاست مسلکي غړی، محمود احمدزی د پل چرخي مرکزی زندان امنیتی مرستیال، بشیر احمد عثماني د نظارت او توقیف خونې ریاست سرپرست، اسرالله همدرد د مقام د دفتر رئیس، محمد فاروق فاکر د دولتي ادارو په کړنو د اساسي قانون له تطبیق څخه د څارنې ډیپارټمنټ رئیس، مختار احمدي د پلچرخي زندان د محاکمو د اړیکو مدیر، او  د دولتي ادارو په کړنو د اساسي قانون له تطبیق څخه د څارنې ډیپارټمنټ د متخصصینو په شتون ترسره شوه.

پدې ناسته کې، د د دولتي ادارو په کړنو د اساسي قانون له تطبیق څخه د څارنې ډیپارټمنټ نظارتي موندنې د 47 تنو توقیف شویو قضیو کې د پورتني یاد شوي موادو څخه سرغړونې او نه څارنې په اړه چې د دوي دوسیې په ټاکلې موده استیناف محکمې ته یې ندي وړاندې کړي  او د 14 تنو زندانیانو چی  د مال رد، نقدی جریمې، د ضمانت د نه چمتو کولو له کبله په توقیف خونې کې پاتې دي، یو شمیر تورن شوی کسان  چې د محکمې لخوا برائت اخیستي خو د بند څخه ازاد شوي ندي، 18 تورن کسان چې د بند موده یې پوره شوې خو خوشې نه دي، او 245 تورن کسان چي په ټاکلې موده کې د دوي دوسیي مخ ته نه دی تللي، او همدارنګه د هغو اشخاصو په اړه څوک چي د محکمې د حکم په نقض کولو تورن دی او د هغوي د جرم څرنګوالې د قانون خلاف ښودل شوی دی بحث او نظریات تبادله شو.

د غونډې په تړاو کې د سترې محکمې، لوی څارنوالۍ او د زندانونو د چارو د سمون ادارې ترمینځ ننګونې او د حل لاري  او مؤثره همغږي  د اساسي قانون د احکامو د رعایتولو لپاره په پلازمینې او ولایتونو په زندانونو کې عملي او لازمي وړاندیزونه د کمېسیون غړو لخوا وړاندې شول.

پدي غوڼده کې، ډاکټر محمد قاسم هاشمزي د میلمنو د برخه اخیستنې څخه د مننې په ترڅ کې وویل چې دا کمېسیون په جدي توګه د زندانونو او توقیف ځایونو څخه څارنه کوي او په ټولو برخو کې د اساسي قانون له احکامو سره د سرغړوني قضیې پیژني او تعقیبوي یې.

د کمېسیون مشر د پلازمینې او ولایتونو په زندانونو کې د قوانینو پر پلي کیدو ټینګار وکړ او له اړوند چارواکو څخه یې وغوښتل د هغه بندیانو په خوشې کیدو کې چې د قید شرایط یې د قانون سره سم بشپړ شوي وي جدي اقدامات وکړي او د اساسي قانون د احکامو د سرغړونۍ څخه مخنیوي وکړي.

ad2

قضاوتیار محمد عارف حافظ د کمېسیون د نظارتی موندنو د کابل ولایت توقیف ځای او پلچرخی مرکزی زندان په اړه معلومات وړاندې کړل او ویې ویل چې څیړني دا ښیې چې پورتني یاد شوي مواد څخه د کابل ولایت توقیف ځای او پلچرخی مرکزی زندان کې سرغړونه شوی ده.

وروسته ، محمد فاروق فاکر د دولتي ادارو په کړنو د اساسي قانون له تطبیق څخه د څارنې ډیپارټمنټ رئیس خپلې  نظارتی موندني په مستند او تفصیلی دول غوڼدی ته وړاندې کړل، چې د لوی څارنوالۍ، سترې محکمې او د زندانونو چارو د سمون ادارې او د زندانانو امنیتي چارواکي له استازو لخوا د تائید وړ وګرځیدل.

همدارنګه ، غلام حیدر علامه د لوي څارنوالي مرستیال، قاضی کفایت الله فضلی د سترې محکمې د قضایی پلټنې د عمومي ریاست مسلکي غړي، محمود احمدزی د پلچرخي مرکزی زندان امنیتی مرستیال، بشیر احمد عثماني د نظارت او توقیف خونې ریاست سرپرست، مختار احمدي د پلچرخي زندان د محاکمو د اړیکو مدیر، د بندیانو نه خوشې کیدل په ټاکلې موده کې یوه لویه ننګونه وبلله او ویې ویل د قوانینو تناقضات، په پلازمینېی او ولایتونو کې د اړوندو اداراتو تر منځ د همغږي نه شتون او د یو شمیر بندیانو لخوا د نقدی جریمو نه ادا کول د دوی د خوشی کیدو د ځنډ لامل دي.

په پای کې، د کمېسیون نظارتي موندنې وڅیړل شوې او برخه اخیستونکو پریکړه وکړه چې د کمېسیون او د نننۍ ناستې نظارتی موندنې باید په رسمي ډول اړوندو ادارو ته واستول شي ترڅو پدې برخه کې لازم اقدامات ترسره کړي.

 

 

تازه خبرونه

یکشنبه ۱۴۰۰/۴/۲۷ - ۵:۵
Background image

د ملي عمل درېيم پروګرام کې د شموليت په موخه د ټولنې بېلابېلو پرګنو وړاندېز شويو موضو‌ع‌ګانوراټولولو په موخه د افغانستان پرانيستې دولت‌دارۍ مشارکت اعلاميه

د افغانستان اسلامي جمهوري دولت د پرانيستې دولتدارۍ مشارکت د ملي عمل درېيم پروګرام د تدوين بهير په نېږدې ورځو کې پيلېږي.

د پرانيستې دولتدارۍ مشارکت  (OGP) د لارښود په بربنسټ، د دغه. . .

شنبه ۱۴۰۰/۴/۲۶ - ۱۱:۲۹
Background image

د لوی اختر په ویاړ د اساسي قانون پر تطبیق د څارنې خپلواک کمېسیون د مبارکۍ پیغام

د لوی اختر په ویاړ د اساسي قانون پر تطبیق د څارنې خپلواک کمېسیون د مبارکۍ پیغام

د اساسي قانون پر تطبیق د څارنې خپلواک کمېسیون مشرتابه پلاوی د لوی اختر د رارسيدو له كبله د افغانستان د. . .

چهارشنبه ۱۴۰۰/۴/۲۳ - ۱۱:۸
Background image

د اساسي قانون پر تطبیق د څارنې خپلواک کمېسیون نظارتی موندنې د کابل توقیف خونې او پلچرخي زندان

د اساسي قانون پر تطبیق د څارنې خپلواک کمېسیون نظارتی موندنې د کابل توقیف خونې او پلچرخي زندان څخه  د اساسي قانون (۲۴ ۲۷، ۳۱، ۳۳، ۷۵) مادو  پر سرغړونو او نه اطاعت کولو او د جزا کود (۴۶۱). . .

بیا په خبرونه کی