د کمېسیون د رئیس پیغام

2 میاشتې 3 اونی ago

د اساسي قانون پر تطبیق د څارنې خپلواک کمېسیون د جوړیدو له وخت او مهال څخه تر دې دمه، د دې کمېسیون مشرتابه غړي او ټول کارکونکي، د اساسي قانون د حاکمیت او د اساسي قانون د حکمونو د رعایت او پلي کېدو په موخه؛ د نظارت او څارنې، د اساسي قانون د حکمونو څخه د اتباعو د پوهاوي، د اساسي قانون د تشریح او حقوقي مشورو، د قانون جوړونې د چارو د پراختیا اړوند د اړتیاوو تشخیص او د اساسي قانون سره د ټکرونو د موندلو په غرض د نافذه قوانینو مطالعه کولو د لارو چارو څخه په پوره ګټې اخستنې سره تل کوښښ کړی، څو د اساسي قانون د حکمونو د پلي کېدو لپاره له وړاندې څخه غوره او بهتره زمینه برابره کړی  شوې اوسي.

د کمېسیون رهبري ټیم هیله لري، څو د اساسي قانون موازین او ارزښتونه د خلکو او دولتي چارواکو له لوري د قانون د ښه حاکمیت او واکمني په موخه په ډیر درناوي سره رعایت کړی شي، څو د اساسي قانون د حکمونو د تطبیق او پلي کېدو کچه په هېواد کې د ننه، بره او پر مخ ولاړه شي.