د اساسي قانون پر تطبیق د څارنې خپلواک کمېسیون کې غونډه وشوه

icoic_admin
Sun, Oct 20 2019 11:21 AM
0102

د اساسي قانون پر تطبیق د څارنې خپلواک کمېسیون غوڼده د روان کال 1398 د تلې د میاشتې په 28 مه نېټه؛ د کمېسیون د رئیس ښاغلي قانونپوه ډاکټر محمد قاسم هاشمزي په مشرۍ او د کمېسیون د غړو په ګډون د غونډو په تالار کې تر سره کړه.

غونډه د قرآن کریم د څو مبارکو آیتونو په تلاوت سره پیل شوه؛ ورپسې په لنډه توګه د کمېسیون د منشي له خوا د تېرو مصوباتو د پلي کېدو پر څرنګوالي رڼا واچوله او د اساسي قانون د احکامو مطابق د جوړې شوې اجنډا د موضوعاتو اړوند په یاده ناسته کې هر اړخیزه بحث وشو.

0102

لومړی د اجباري نظامي خدمتونو قانوني طرحه چې د قوانینو د څیړنې او پراختیا ډیپارټمنټ له خوا غونډې ته وړاندې شوې وه؛ په یاده غونډه کې تصویب او پر دې پرېکړه وشوه چې د اساسی قانون د 55 مې مادې د ښه تطبیق او پلي کولو او د راتلونکو ګامونو لپاره عدلیې وزارت، د ملي امنیت شوری، ملي دفاع وزارت، کورنیو چارو وزارت او ملي امنیت ته رسمي لیکونه واستول شي.

د ملي شوری له خوا د حکومت پر کړنو د څار میکانیزم  د طرزالعمل ځانګړې طرحې د تقوې لپاره چې د پلان آمریت له خوا غونډې ته وړاندې شوې وه؛ واورېدل شوه او پرېکړه پر دې وشوه چې نوموړې طرحه له کمېسیون سره کوم تړاو نه لري.

د غونډې په جریان کې د اساسي قانون د 31 مې مادې د نقض په اړه د مدافع وکیلانو خپلواکې ټولنې وړاندیز غونډې ته واورول شو او پرېکړه پر دې وشوه چې د موضوع د څیړنې او مستند کولو لپاره د دولتي ادارو په کړنو د اساسي قانون له تطبیق څخه د څارنې ډيپارټمنټ هر اړخیزه هلي ځلي وکړي.

ورپسې د اساسي قانون د تشریح او حقوقي مشورو ډیپارټمنټ له لوري د اساسي قانون د 79 مې مادې اړوند حقوقي نظریه؛ غونډې ته وړاندې شوه، په یاده ناسته کې په همدې موضوع له بحث کولو وروسته پرېکړه وشوه چې د 3 مې  مصوبې په تعقیب او د اساسي قانون د 79 او 97 مادو او همدارنګه 90 مې مادې په نظر کې نیولو سره د نوموړې حقوقي نظریې بیا کتنه وشي او د تصویب لپاره دې راتلونکې غونډې ته وړاندې شي.

په پای کې د ولسي جرګې د احالې په اړه چې  په پارلماني چارو کې د دولت وزارت له خوا کمېسیون ته راجع شوې وه؛ د اساسي قانون د ۱۰ مې مادې د تفسیر په اړه بحث وشو، دا چې موضوع د اساسي قانون د تشریح او حقوقي مشورو ډیپارتمنټ پورې اړه درلوده، د غونډې د رهبرۍ له لوري یاد ډیپارټمنټ ته دنده وسپارل شوه، چې د اساسي قانون د احکامو په رڼا کې د اساسي قانون د 10 مې مادې اړوند د تفسیر نظریه چمتو کړي او د تصویب لپاره دې راتلونکې غونډې ته وړاندې کړی شي.

غونډه هیواد او هیوادوالو ته د خیر او برکت په دعاء کولو سره پای ته ورسیده.

 

 

 

 

 

 

Latest news

Wed, Oct 09 2019 12:14 PM
Background image

Holding the awareness Seminar in the National Legal Learning Center

The independent Commission for Overseeing the Implementation of the Constitution in the 17 mezan current year held the awareness seminar from constitution for law stage program students. . .

Thu, Oct 03 2019 8:16 AM
Background image

The Independent Commission for Overseeing implementation of the Constitution Meeting was held

The Independent Commission for Overseeing the implementation of the Constitution Meeting was held under the chairmanship of Dr. Mohammad Qasim Hashimzai President of the Commission in. . .

Wed, Sep 25 2019 12:23 PM
Background image

The Independent Commission for Overseeing implementation of the Constitution Meeting was held

The Independent Commission for Overseeing the implementation of the Constitution Meeting was held under the chairmanship of Dr. Mohammad Qasim Hashimzai President of the Commission in. . .

BACK TO NEWS